Nýjustu fréttir

Naggarnir frá Norðlenska og leikskólinn Bjarnahús á Húsavík eiga 10 ára afmæli um þessar mundir. Í tilefni afmælisins var haldin myndasamkeppni á leikskólanum þar sem börnunum var falið að teikna mynd af gómsætum Nöggum. Ein af bestu myndunum var valin til prentunar á boli sem öll börn og starfsfólk leikskólans fengu að gjöf frá Norðlenska merktum Bjarnahúsi og Nöggum.

Norðlenska hefur tekið ákvörðun um að hækka verð á nautgripakjöti frá og með miðvikudeginum 15.júní. Ný verðskrá mun birtast hér á heimasíðunni undir bændur, afurðaverð eigi síðar en á miðvikudaginn. Norðlenska vill nota tækifærið og hvetja bændur til að skrá sláturgripi í síma 460-8855.

Í gær 19. maí luku þeir Elmar Sveinsson og Sigmundur A. Jósteinsson námi sínu í kjötiðnaði með sveinsprófstöku frá Hótel og Matvælaskólanum í Kópavogi. Fyrri prófdagur var fyrir skriflegt próf og laganir og seinni prófdagurinn var prófun í kjötskurði, sögun og uppsetningu á kjötborði þar sem nemar áttu að skera til steikur og útbúa rétti úr því hráefni sem skorið var. Báðir nemarnir stóðust prófin með sóma og óskar Norðlenska þeim til hamingju með þennan áfanga. Meistari Elmars var Sævar Hallgrímsson og meistari Sigmundar, Kristján R. Arnarson