Nýjustu fréttir

Þann 1. mars n.k. mun gjald vegna kálfaflutnings hækka. Gjaldið hefur verið óbreytt frá árinu 2001 en mun nú hækka úr 610 kr í 750 kr án vsk á grip. Þeir bændur sem hafa verið að nýta sér þessa þjónustu eru bændur úr S-Þingeyjarsýslu. Sem fyrr mun Þórir Kristinn Agnarsson á Öxará sjá um flutninginn.

Katrín Dóra Þorsteinsdóttir hefur verið ráðin starfsmannastjóri Norðlenska og mun taka við því starfi í maí n.k. og verður með aðsetur á aðalskrifstofu Norðlenska á Akureyri. Katrín Dóra er fædd árið 1965 á Akureyri. Hún lauk prófi í iðnrekstrarfræði frá Háskólanum á Akureyri árið 1993 og síðan viðskipta- og rekstrarfræði árið 2002 frá Háskólanum á Akureyri. Katrín Dóra hefur veitt Símenntunarstöð Eyjafjarðar forstöðu frá árinu 2000.

Síðastliðinn föstudag komu 130 nemendur úr Háskólanum í Reykjavík og Tækniháskólanum í heimsókn til Norðlenska á Akureyri. Heimsóknin var liður í vísindaferð skólanna til Akureyrar.