Nýjustu fréttir

Síðastliðna viku hafa forsvarsmenn Búsældar ehf, KEA svf og Norðlenska ehf fundað með framleiðendum á innleggjenda svæði Norðlenska. Þrír fundir voru haldnir, á Hótel Valaskjálf á Egilstöðum, í Hlíðarbæ í Eyjafirði og á Narfastöðum í Reykjadal. Boðað var til fundanna til að kynna hluthafasamkomulag í einkahlutafélaginu Búsæld og eins viðskiptasamning kjötframleiðenda og Norðlenska.

Á síðustu mánuðum hefur orðið verulegur rekstrarbati hjá kjötvinnslufyrirtækinu Norðlenska matborðinu ehf. og rekstrarhorfur fyrir þetta ár eru nokkuð góðar. Síðasta ár var fyrirtækinu hins vegar afar erfitt, rekstrartapið varð 194 milljónir króna sem myndaðist fyrst og fremst á fyrri helmingi ársins. Þrátt fyrir nokkurt rekstrartap á síðari hluta ársins var fjármunamyndun á því tímabili upp á röskar 25 milljónir króna og hagnaður fyrir afskriftir og fjármagnsliði (EBITDA) 93 milljónir króna, en á fyrrihluta ársins var EBITDA neikvæð um tæpar 16 milljónir.

Hluthafasamkomulag fyrir hluthafa í einkahlutafélaginu Búsæld ehf og viðskiptasamningur milli Norðlenska og framleiðenda eru komnir á vef Norðlenska. Skjölin eru geymd á vefsvæði bænda. Hægt er að hafa samband við skrifstofu Norðlenska á Akureyri til þess að fá notendanafn og lykilorð á bændavefinn eða senda tölvupóst á upplysingar@nordlenska.is