Nýjustu fréttir

Einn þeirra sem komið hafa ár eftir ár til vinnu hjá Norðlenska í sláturtíðinni, Pakistaninn Masud Sharif - gjarnan kallaður Tarzan - sá um að elda í mötuneyti fyrirtækisins á Húsavík í hádeginu dag. Bauð hann upp á rétt úr lambakjöti og þótti maturinn algjört lostæti.

Norðlenska hefur flutt út um 250 tonn í þessari sláturtíð. „Þar af eru um 225 tonn af svokölluðum aukaafurðum, til dæmis vömbum, görnum, lungum og þess háttar. Sem sagt „bestu bitarnir” sem sumir kalla svo!” segir Sigmundur Hreiðarsson stöðvarstjóri Norðlenska á Húsavík og vísar til einkennilegrar umræðu sem átt hefur sér stað í samfélaginu í haust.

„Það er óhætt að segja að sláturtíð hafi gengið mjög vel. Þrátt fyrir að við byrjuðum rúmlega viku seinna að slátra þetta haustið, og aukning sé í slátrun miðað við árið 2010, þá munum við einungis verða einum degi lengur fram á veturinn,“ segir Sigmundur Hreiðarsson stöðvarstjóri Norðlenska á Húsavík.Fleiri lömbum er slátrað á degi hverjum nú en áður.