Nýjustu fréttir

Búsæld og Norðlenska boða nk. mánudag og þriðjudag, 30. og 31. mars, til funda með félagsmönnum í Búsæld á Suður- og Austurlandi þar sem fjallað verður um rekstur Norðlenska á árinu 2008, stöðu og horfur á kjötmarkaði, framtíðarsýn Búsældar og Norðlenska o.fl.

Árshátíð Norðlenska var haldin á Akureyri síðastliðinn laugardaginn. Starfsfólk frá Húsavík, Höfn og Reykjavík kom ásamt mökum til að skemmta sér með Akureyringum og tóku alls um 160 manns þátt í hátíðinni. Farið var í keilu og heimsókn í Vífilfell fyrri part dags. 
Kvölddagskráin fór fram í Sjallanum undir styrkri veislustjórn Hjálmars Hjálmarssonar og Margrétar Eirar Hjartardóttir. Að veislunni lokinni spiluðu Greifarnir undir dansi fram á nótt.  

Vikuna 2.-6. mars var heilsuvika í Norðlenska. Markmiðið var að minna starfsfólkið á mikilvægi þess að stunda reglubundna hreyfingu og borða hollan mat. Ýmislegt var gert til að hvetja starfsfólkið til heilsusamlegs lífernis. Má þar nefna að á Akureyri var farið í morgunleikfimi daglega, á Húsavík var boðið upp á fræðslufyrirlestur og í Reykjavík var farið í Yoga. Á öllum stöðunum var fólk hvatt til að halda dagbók yfir hreyfingu sína og lögð var áhersla á að bjóða upp á hollustu í mötuneytum. Hengd voru upp veggspjöld og bæklingum dreift til fróðleiks. Meðfylgjandi eru nokkrar myndir af morgunleikfiminni á Akureyri.