Nýjustu fréttir

Vegna slátrunar sauðfjár í nóvember og desember greiðir Norðlenska álag á útgefið listaverð vegna haustslátrunar. Þessar álagsgreiðslur taka til flokkanna E - O og fituflokka 1 - 3+. Greitt verður föstudaginn í viku eftir slátrun. Þá ber þess að geta að útflutningsskylda er 16% til og með 7. nóvember nk., en lækkar þá í 10%.

Í gær var felld kýr úr Hleiðargarði í Eyjafjarðarsveit í sláturhúsi Norðlenska á Akureyri, sem ekki er í frásögur færandi nema fyrir það að skrokkurinn reyndist vera sá þyngsti sem sögur fara af hjá Norðlenska - hvorki meira né minna en 526 kg! Þegar skrokkurinn var færður á vigtina í Norðlenska í gær þurftu menn að nudda augun til þess að fullvissa sig um að talan væri rétt. En ekki var um að villast - vel yfir hálft tonn!

Í þesssari viku hefjast viðamiklar endurbætur á fjárrétt sláturhúss Norðlenska á Húsavík, sem miða að því að gera alla aðstöðu bæði starfsfólks og fjáreigenda mun betri en nú er, auk þess að spara mikla vinnu.