Nýjustu fréttir

"Maður þakkar fyrir hvern dag sem veðrið er svona gott. Það auðveldar allt," segir Sigmundur Hreiðarsson, vinnslustjóri Norðlenska á Húsavík, en eftir daginn í dag verður búið að slátra um 61 þúsund fjár á Húsavík.

Haustslátrun er nú komin vel á veg hjá Norðlenska, í það minnsta í sláturhúsi félagsins á Húsavík, en slátrun hófst sem kunnugt er mun síðar á Höfn. Á Húsavík virðist fallþungi dilka ætla að verða ívið meiri en í fyrra og kjötgæði meiri.

Þann 1. október sl. tók gildi samningur sem Norðlenska hefur gert við fyrirtækið InPro um heilsuvernd starfsmanna, heilsueflingu á vinnustað og fjarvistaskráningu. Til að byrja með gildir samningurinn um starfsmenn Norðlenska á Akureyri og í Reykjavík, en frá og með næstu áramótum tekur hann einnig til starfsmanna fyrirtækisins á Húsavík og Höfn.